Vaskur hópur manna byggði nú um helgina hákarlahjall að fornri fyrirmynd við smábátabryggjuna á Safnasvæðinu Görðum. Verkið hófst klukkan 10 á laugardag og lauk snemma á sunnudagskvöld. Hjallurinn setur skemmtilegan svip á svæðið umhverfis kútter Sigurfara, bátana og nýju bryggjuna. Á myndinni eru byggingarmeistararnir saman komnir að afloknum framkvæmdum. Hákarlahátíðin um helgina var fyrsta dagskráratriðið í svokallaðri viðburðaveislu á Safnasvæðinu en dagskráratriði teygja sig fram til loka ágústmánaðar. Aðsókn um helgina lofar góðu um sumarið en alls komu á svæðið um 1100 manns laugardag og sunnudag.