Í síðustu viku sóttu dagforeldrar af Seltjarnarnesi, Mosfellsbæ og Akranesi námskeið um ,,Slysavarnir og fyrstu hjálp". Námskeiðið var haldið í Mosfellsbæ og er á vegum daggæsluráðgjafa í viðkomandi sveitarfélögum. 9 dagforeldrar frá Akranesi sóttu námskeiðið, sem er það fyrra af tveimur, en seinna námskeiðið verður haldið í kvöld og er yfirskrift þess ,,Hollur og næringarríkur matur fyrir lítil börn". Dagforeldrar lýstu ánægju sinni með efni námskeiðanna og að fá tækifæri til að hitta kollega sína í öðrum sveitarfélögum.