Stórátak í gatnagerð og lýsingu gatna og stíga

3. janúar 2008

Fyrirhugað er stórátak í gatnagerð og lýsingu gatna og stíga á árinu 2008, en bæjarstjórn Akraness samþykkti samhljóða á fundi sínum 18. des. s.l. tillögu um að fela tækni- og umhverfissviði að bjóða út öll útboðsverk varðandi gatna- og stígagerð þannig að hægt verði að ganga frá samningum um verkin eigi síðar en um mánaðamótin janúar/febrúar 2008.  Leitast skal við að einstaklingum og fyrirtækjum verði gefinn kostur á að ganga inn í sömu einingaverð og bærinn nýtur við framkvæmdir sínar í viðkomandi götum eða hverfum á hverjum tíma.

Einnig skal tækni- og umhverfissvið gera ráð fyrir eftirfarandi framkvæmdum varðandi lóðamál, í gatnagerð, gangstígum og gangstéttum á árinu 2008. Bæjarstjórn felur sviðsstjóra tækni- og umhverfissviðs að hefja nú þegar undirbúning að nauðsynlegum útboðum verkefna:

Gatnagerð

·   Skógahverfi – 1. áfangi

·   Skógahverfi - 2.áfangi

·   Flóahverfi

·   Þjóðbraut

·   Heiðarbraut og Stekkjarholt

·   Breiðargata

·   Vörubílastæði

·   Krókatún

·   Höfðasel

·   Fræsing og ofanálögn malbiks á Garðagrund og Garðabraut samkv. nánari skilgreiningu

Gangstéttar og stígar

·   Stillholt - Vesturgata að Kalmansbraut, gangstéttar

·   Leynisbraut - göngustígur

·   Garðagrund - göngustígur

·   Reynigrund – göngustígur

·   Smiðjuvellir - gangstétt

·   Esjubraut -  gangstétt

·   Höfðagrund  - bílastæði

·   Þjóðbraut - göngustígur Garðabraut - Innnesvegur

Lýsing gatna og stíga

·   Kalmansbraut - Esjubraut að hringtorgi við Bónus

·   Stígur frá Bresaflöt að  Þormóðsflöt

·   Stígur frá Innnesvegi að Holtsflöt

·   Stefnt skal því að samskonar lýsing sé við alla stíga.”