Ekkert lát virðist vera á fjölgun íbúa á Akranesi. Það sem af er þessu ári hefur Akurnesingum fjölgað um 162 íbúa, sem er fjölgun um 2,72% og hafa íbúar á Akranesi aldrei verið fleiri frá upphafi og eru nú 6117 talsins.
Mikil gróska er nú í íbúðabyggingum og segja má að ásýnd bæjarins breytist dag frá degi. Samkvæmt upplýsingum byggingarfulltrúa eru í byggingu á Akranesi í dag, langt á þriðja hundruð íbúða. Einnig er í gangi talsverð uppbygging atvinnuhúsnæðis.