Nýverið var stofnað hlutafélag um rekstur og eignir Lánasjóðs sveitarfélaga sem rekinn hefur verið undanfarin ár sem sjálfstæð stofnun í eigu sveitarfélaga.
Ákveðið var að stofna hlutafélagið með hlutafé að fjárhæð 5 milljarðar króna, sem skiptast á milli sveitarfélaga eftir stærð þeirra og viðskiptum við sjóðinn undanfarin ár. Hlutdeild Akraneskaupstaðar í hinu nýja félagi er að verðmæti við stofnun félagsins 214 milljónir króna. Eignarhlutdeild er 2,41%.
Samhliða þessum breytingum var ákveðið að niðurfæra eigið fé sjóðins og endurgreiða hluthöfum í samræmi við eignarhlutdeild. Hlutur Akraneskaupstaðar í þeirri endurgreiðslu er 72,3 milljónir sem greiðast í jöfnum hlutföllum næstu fjögur árin.