Undirbúningur fyrir Írsku dagana stendur nú sem hæst enda einungis rúm vika til stefnu. Reiknað er með því að enn fleiri gestir sæki Skagann heim en á síðasta ári. Þá mættu um 10 þúsund manns.
Enn eru laus nokkur pláss í markaðstjaldi Írskra daga. Þeir sem áhuga hafa eru hvattir til þess að skrá sig sem fyrst á www.irskirdagar.is.
Heimasíðan hefur vakið mikla lukku og umferðin um hana er talsverð. Undanfarna daga hefur verið hlekkur á hana inni á mbl.is og hefur gestunum fjölgað mikið í kjölfarið.