Kynningarfundur um deiliskipulag Sólmundarhöfða

Fjölmenni mætti á kynningarfundinn

Skipulags- og umhverfisnefnd efndi til opins kynningarfundar um endurskoðað deiliskipulag Sólmundarhöfða sem nú er í vinnslu. Arkitektastofan "Arkitektur.is" hefur verið ráðin til að vinna tillögur og mættu arkitektarnir Elín Kjartansdóttir og Guðmundur Gunnarsson á fundinn og gerðu grein fyrir fyrstu drögum.  Fram kom í kynningu Magnúsar Guðmundssonar, formanns skipulags- og umhverfisnefndar í upphafi fundarins að megintilgangur fundarins væri að fá fram sjónarmið íbúa og hagsmunaaðila sem arkitektarnir tæku með sér sem veganesti við frágang endanlegrar tillögu.