Mikil breyting hefur átt sér stað sl. ár, hversu lengi íbúðabyggingar eru í byggingu. Ekki var óalgengt að íbúðabyggingar væru um það bil tíu ár í byggingu, en í dag eru flestar íbúðabyggingar um það bil eitt ár í byggingu. Bæjaryfirvöld hafa orðið að bregðast við þessum breytingum í eftirspurn eftir byggingarlóðum, með því að hraða vinnu við deiliskipulagsgerð.
Á árinu 2004 var hafin bygging 81 íbúðar, aðallega í Flatahverfi en einnig var nokkuð um að íbúðir væru gerðar í eldra húsnæði víðsvegar í bænum. Um áramótin lágu fyrir um 80 samþykktar afgreiðslur fyrir íbúðum hjá byggingarfulltrúa, þar sem framkvæmdir voru ekki hafnar.
Búast má við að ekki verði minna um byggingarframkvæmdir á árinu 2005 en á síðasta ári, en þó með þeirri breytingu að uppbygging er hafin í gamla miðbænum og líkur eru á að framkvæmdir hefjist á miðbæjarsvæði við stjórnsýsluhúsið.