Miðvikudaginn 30. janúar s.l. bauð Golfklúbburinn Leynir bæjarstjórn, formönnum íþróttanefndar og skipulagsnefndar og nokkrum embættismönnum til kynningar á starfsemi klúbbsins.Forráðamenn klúbbsins kynntu þróun í rekstri klúbbsins, fjármál og aðsókn á golfvöllinn undanfarin ár. Þá var og kynnt framtíðarsýn klúbbsins hvað varðar rekstur og uppbyggingu til viðhalds útivistarsvæðisins að Görðum. Skipulagsmál voru rædd og var upplýst af bæjaryfirvöldum að fyrir liggur að verið er að vinna að endurskoðun deiliskipulags á svæðinu og er reiknað með að þeirri vinnu verði lokið í byrjun sumars.