Tómstunda- og forvarnarnefnd Akraneskaupstaðar afhenti þann 4. mars s.l. styrki til íþrótta- og æskulýðsfélaga á Akranesi. Alls sóttu 13 félög um styrk til Akraneskaupstaðar að þessu sinni og fengu þau úthlutað alls kr. 1.200.000 sem skiptist eftir iðkendafjölda og launakostnaði þjálfara. Strax að lokinni afhendingarathöfninni var haldinn fyrirlestur á vegum Íþróttabandalags Akraness og Íþróttasambands Íslands um verkefni sem ber heitið "Fyrirmyndarfélag ÍSÍ". Um er að ræða gæðastjórnunarverkefni íþróttahreyfingarinnar á Íslandi sem ÍA og aðildarfélög þess hyggjast taka upp á þessu ári. (nánari upplýsingar um verkefnið er að finna á http://www.isisport.is/)