Gengið hefur verið frá ráðningu Írisar Reynisdóttur í starf garðyrkjustjóra Akraneskaupstaðar og var hún valin úr hópi 14 umsækjenda um starfið.
Íris er garðyrkjufræðingur að mennt og hefur að auki mastersgráðu í landslagsarkitektúr frá Kaupmannahafnarháskóla. Hún er fædd árið 1979 og á einn son. Íris er komin til starfa að hluta en verður komin í fullt starf í byrjun maímánaðar.
Akraneskaupstaður býður Írisi velkomna til starfa og þakkar jafnframt öðrum umsækjendum fyrir þann áhuga sem þeir sýndu með umsóknum sínum.