Bókasafn Akraness

Bókasafn Akraness flutti í nýtt og glæsilegt húsnæði að Dalbraut 1 þann 1. október 2009, en áður hafði starfsemin verið að Heiðarbraut 40 eða allt frá árinu 1972. Bókasafnið á rætur að rekja til lestrarfélags sem stofnað var á Akranesi árið 1864. Safnið er vinsæll staður barna og fullorðinna og sífellt færist í vöxt að gestir og ferðamenn heimsæki safnið sér til fróðleiks og ánægju. Í safninu er fjölbreytt úrval bóka fyrir alla aldurshópa.  Bækurnar eru bæði skáldrit og fræðibækur, flestar á íslensku en einnig nokkuð á erlendum tungumálum.

Nánari upplýsingar um Bókasafn Akraness og starfsemi þess má finna á vefsíðu safnsins.