Skólahljómsveit Akraness

Lúðrasveitaræfing

2008-06-11T22:14:00.001Z

Minni á lúðrasveitaræfingu annað kvöld / í kvöld fimmtudag kl. 19:30

BREYTTUR ÆFINGATÍMI

2008-06-05T16:18:00.001Z

Æfingin sem átti að vera næsta þriðjudag (10.6.) færist á fimmtudaginn 12.6. kl. 19:30

Munið 1. maí nóturnar!

17. júní

2008-06-02T10:10:00.002Z

Jæja, þá er all verulega farið að síga á seinni hlutann á þessu starfsári. 17. júní framundan og svo er komið frí:)
Það er ekki æfing annað kvöld (3.6.). Rut Berg og Daníel, tónlistarkennari í Mosfellsbæ, ætla að stjórna 17. júní og það verða æfingar þriðjudaginn 10.6. kl. 19:30 (hálf-átta!) og mánudaginn 16.6. kl. 19:30. Mætið með nóturnar frá 1. maí ef þið eruð með þær. Spilamennskan á sautjándanum er svo líklega um kl. 14 eins og venjulega.
Ég ætla að reyna að vera eitthvað á vappinu í kringum þetta, en annars óska ég ykkur bara gleðilegs sumars og þakka fyrir frábært samstarf!! Að öllum líkindum kemur svo nýr hornleikari í sveitina í haust...

Kveðja,
Anna

Spilamennska á morgun

2008-05-30T11:08:00.002Z

Nokkrir punktar fyrir morgundaginn:

Mæting niðri við Hafnarhús kl. 12:30

Klædd eftir veðri, muna eftir statífi, þvottaklemmum, nótum og hljóðfæri!

Lagalisti:

Íslands hrafnistu menn

(Fallbyssuskot)

Suðurnesjamenn

Sjómannavals

Á Sprengisandi

Reykjavíkurlög

Sjáumst hress!

Pásan búin ...

2008-05-26T19:46:00.001Z

Lúðrasveitaræfingar í vikunni:

þriðjudagur 27.5. kl. 18:30-21:00

fimmtudagur 29.5. kl. 18:30-21:00

Allir verða að mæta!

Hátíð hafsins - MJÖG mikilvægt!

2008-05-14T10:47:00.003Z

Í næstu viku er frí hjá okkur, því skólinn er upptekinn. Það er gríðarlega mikilvægt að þið æfið lögin fyrir Hátíð hafsins heima, því eins og þið tókuð eftir í gær vantar nokkuð upp á að þau séu tilbúin.

Æfingar (algjör skyldumæting!) í síðustu vikunni í maí:

þriðjudagur 27.5. kl. 18:30 - 21:00

fimmtudagur 29.5. kl. 18:30 - 21:00

Ég læt ykkur vita tímasetninguna á spilamennskunni 31.5. um leið og ég veit hana (að öllum líkindum öðru hvoru megin við hádegið).

==============================

Í gær hlutu nokkrir hljóðfæraleikarar viðurkenningu fyrir frábæra mætingu í vetur: Inga Sara, Kristján Alexander, Berglind og Kalli voru öll með 95% mætingu, Birgir missti bara af einni æfingu í allan vetur og Birna Björk var með ótrúlega 100% mætingu!! Þessi fengu viðurkenningaskjal í gær og eiga von á einhverjum glaðningi til viðbótar á næstunni.

Að lokum langar mig að benda ykkur á þrjá merkilega atburði í tónlistarlífinu:

Hann Birgir "okkar" heldur framhaldsprófstónleikana sína nk. laugardag (17. maí) kl. 17:00 í Borgarneskirkju. Hvernig væri að fá sér bíltúr í Nesið, fara í sund, hlusta á flotta tónleika og gæða sér svo á ís í Hyrnunni:)

Hann Halldór "okkar" er í hljómsveit sem flytur tónlist úr Commitments nk. föstudag (16. maí) kl. 20:30 í Tónbergi, miðaverð kr. 2000

Dagana 18.-22. júní verður haldin hér á landi Norræna hornhátíðin. Hér er sannkallaður stórviðburður á ferðinni, námskeið og tónleikar á heimsmælikvarða. Endilega hafið samband við mig ef þið viljið fá nánari upplýsingar, heimasíða hátíðarinnar er http://www.nordhornfest2008.com

Kveðja,

Anna

Breytt dagskrá vorsins

2008-05-07T13:30:00.003Z

Æfingin í gærkvöldi var líklega síðasta æfingin undir minni stjórn - af heilsufarsástæðum verð ég því miður að blása sjómannadagstónleikana okkar af.

Við höldum okkur þó við spilamennskuna á Hátíð hafsins (31. maí), en þar ætlar Lárus að halda um sprotann. Lagalistinn er eftirfarandi:

- Á Sprengisandi

- Rímnadanslög (kannski ...)

- Reykjavíkurlög

- Íslands hrafnistu menn

- Suðurnesjamenn

- Sjómannavals

Það verður æfing á venjulegum tíma næsta þriðjudag (13.5.), frí 20. 5. og svo æfing 27.5.

Þar sem við höfum lítinn tíma til samæfinga, bið ég ykkur að kíkja sjálf á lögin og æfa!

Bestu kveðjur,

Anna

1. maí - taka tvö...

2008-04-29T19:54:00.002Z

Uppfærður lagalisti fyrir 1. maí (rétt röð):

Internationalinn
Washington Post
Öxar við ána
Vormenn Íslands

Á morgun, 30. apríl, þurfa allir að sækja 1. maí-merki heim til Kollu og Ingu Söru, Vesturgötu 113 á milli kl. 16 og 18. Þið fáið 20 merki hvert og seljið í kringum ykkur annað kvöld, ekkert mál, kostar bara 100-kall merkið. Ef þið eigið afgang, verðið þið að mæta í síðasta lagi kl. 13:30 upp í Verkalýðshús á 1. maí og selja afganginn!!

Síðan er bara að vera vel klædd, með hljóðfæri, nótur og lýru:)

Kveðja,
Anna

1. maí

2008-04-28T10:48:00.003Z

Sæl veriði og takk fyrir síðast:)
Ég er ótrúlega ánægð með hvað allir lögðust á eitt um á láta þessa strembnu æfinga- og tónleikaviku ganga upp!

En þá er það 1. maí:
við æfum á venjulegum tíma annað kvöld, hugsanlega verður æfingin eitthvað styttri en venjulega. Þeir sem voru búnir að fá leyfi fyrir 1. maí þyrftu samt sem áður að koma á æfinguna með lýru og nótur ef þeir eru með það heima.

Lagalistinn f. 1. maí:
- Internationalinn
- Thunderer
- Liberty Fleet
- Öxar við ána
- Vormenn Íslands

Kolla mætir svo væntanlega á æfinguna með merkin sem þarf að selja, og á fimmtudaginn er mæting niður í Verkalýðshús kl. 13:45 stundvíslega

Við tökum því svo aðeins rólegar á næstunni meðan prófatörn stendur yfir (hver og einn þarf samt að kíkja á sjómannadagsprógrammið og æfa) og tökum svo góðan lokasprett síðustu 2 vikurnar í maí:) Sjá nánar á dagskránni sem ég var búin að dreifa.

Kveðja,
Anna

Tónleikar í kvöld

2008-04-25T11:33:00.002Z

Ég bendi á að það væri ágætt fyrir fólk að taka með sér eitthvað smá snarl í Borgarnes í kvöld, a.m.k. eitthvað að drekka. Rótarar hafa væntanlega tíma til að skreppa í sjoppu ef vill.

Ef þið þekkið einhvern í Borgarnesi: endilega láta vita af tónleikunum!!

Rótarar og skreytingafólk hittast hjá Gamla Mjólkursamlaginu um kl. 17, ef einhver ykkar er á stórum bíl, t.d. station, þá væri gott að koma fyrst við í Tónó og taka eitthvað af hljóðfærum (og skreytingadótið!!), við þurfum nefninlega að taka allt slagverk og erum bara með litla rútu í kvöld.

Mæting í rútu upp í Tónó í síðasta lagi kl. 18:15, ég fer á undan en Halldór verður við stjórn í rútunni.

Sjáumst hress í kvöld:)

Anna

Helgin og tónleikar

2008-04-21T10:19:00.002Z

Mig langar að þakka öllum, hljóðfæraleikurum og foreldrum, fyrir hve vel til tókst um helgina:)

Á miðvikudaginn förum við svo í Stykkishólm, mæting í "hressilegum" fötum (eins og í fyrra) og með 850,- krónur fyrir pizzuhlaðborði m. gosi á Hótel Stykkishólmi.

Síðast en ekki síst verða allir að vera búnir að raða lögunum í rétta röð í möppu!

Sjónvarpsstjörnur:)

2008-04-17T20:45:00.001Z

Mig langar að benda ykkur á frétt um tónleika Nýgræðinganna með Vallarselsbörnum í sjónvarpsfréttunum í kvöld (17.4.) - þið sem misstuð af þessu ættuð að kíkja á netið!

Tónleikar á Vesturlandi

2008-04-07T14:09:00.002Z

Tónleikarnir verða haldnir í vikunni eftir æfingabúðirnar (sjá færslu frá 13. mars):

Stykkishólmur, Hótelið, 23.4. kl. 20:00 (síðasti vetrardagur)

Akranes, FVA, 24.4. kl. 15:00 (sumardagurinn fyrsti)

Borgarnes, Gamla Mjólkursamlagið, 25.4. kl. 20:00

Til foreldra: Matur í æfingabúðum

2008-04-04T14:20:00.002Z

Þegar við verðum með æfingabúðirnar hérna 19.-20. apríl þurfum við að sjá um mat. Það þarf að elda ofan í mannskapinn í hádeginu báða dagana og e.t.v. á laugardagskvöldið líka. Anna Kristjánsd. er búin að taka að sér að vera "yfir matreiðslumeistari" en það vantar fólk til þess að taka þátt í þessu. Best væri ef þeir sem eru tilbúnir til að leggja hönd á plóg á einn eða annan hátt (t.d. baka snúða eða annað fyrir pásur, kaupa inn, elda ...) gætu komið í hléinu á þriðjudagsæfingunni til skrafs og ráðagerða.

Sem sagt: fundur um matarmál í æfingabúðum þriðjudagskvöldið 8. apríl kl. 19:45. Einnig væri gott að heyra frá skreytinganefndinni síðan í fyrra, hvort enn sé til nóg af skrauti fyrir tónleikana.

ENGIN ÆFING Í KVÖLD!

2008-04-01T09:48:00.005Z

Æfingin í kvöld fellur niður v. veikinda, sjáumst næsta þriðjudag (bassakaffið þá:)

Æfing í kvöld!

2008-03-25T14:45:00.003Z

Minni á að það er ekki páskafrí í Tónó í dag - sjáumst í kvöld:)

Gleðilega páska!

2008-03-13T16:32:00.003Z

Minni á að það er æfing strax þriðjudaginn eftir páska, 25. mars.

Nýjustu fréttir af latin-verkefninu:
Æfingahelgi á Akranesi 19. og 20. apríl (þurfum að skipuleggja mat)

Tónleikar í Stykkishólmi 23. apríl kl. 20:00
Tónleikar á Akranesi 24. apríl kl. 15:00
Tónleikar í Borgarnesi 25. apríl kl. 20:00

Hafið það gott um páskana,
Anna

Latin-æfing á morgun

2008-03-10T19:20:00.004Z

Á morgun spilum við allt latin-prógrammið fyrir Baldur úr Grundarfirði. Algjör skyldumæting!!

Æfing á morgun

2008-02-25T18:21:00.001Z

Allir þurfa að vera með latin-prógrammið klárt á morgun, ef einhvern vantar enn þá lög, vinsamlegast mætið tímanlega til þess að ganga frá því.

Anna

Eftir landsmót

2008-02-20T10:09:00.002Z

Takk fyrir síðast, landsmótsfarar, þetta var rosalega gaman - ég vitna bara í einn þátttakanda: "Mig langar bara að segja eitt um þetta landsmót: það var alltof stutt!" Það var frábær reynsla að kynnast þessum stjórnendum (og æfa sig í enskunni;) og spila í stórum hljómsveitum með krökkum alls staðar að, sérstaklega held ég að slagverksleikararnir hafi upplifað eitthvað nýtt með honum Mr. Hannum, atriðið þeirra var a.m.k. alveg frábært.

En það þýðir ekkert að halla sér aftur með tærnar upp í loft núna, við þurfum að leggjast öll á eitt til þess að gera latin-tónleikana okkar sem flottasta. Baldur, slagverkskennari í Grundarfirði, ætlar að mæta með nokkra lærisveina á æfinguna hjá okkur þann 4. mars og við spilum fyrir þá öll latin-lögin. Af því tilefni frestum við kaffiæfingunni sem flauturnar áttu að sjá um næsta þriðjudag þangað til þá. Sem sagt: næsta þriðjudag er venjuleg æfing (til kl. 20:30), 4. mars kaffiæfing með tónleikasniði (til kl. 21:00).

Ég er búin að setja dagsetningar tengdar latin-verkefninu inn á dagatalið hér til hliðar.

Spörum okkur óþarfa aukaæfingar og mætum ÖLL ALLTAF á þriðjudagsæfingarnar!

Anna

Suðræn sveifla

2008-02-14T14:20:00.002Z

Við fengum úthlutað styrk úr Menningarsjóði Vesturlands fyrir latin-verkefnið okkar með trommusveit Snæfellsness!!!
Þá er að taka endanlega frá helgina 18.-20. apríl fyrir æfingabúðir í Stykkishólmi og dagana 23.-27. apríl fyrir tónleika víðs vegar um Vesturland.

Ég minni á tónleikana í íþróttahúsinu við Sunnubraut í Reykjanesbæ á sunnudaginn kl. 12:30, þangað eru allir velkomnir:)

Landsmótsfarar, sjáumst á morgun,
Anna

Foreldrafundur í kvöld

2008-02-05T11:15:00.001Z

Minni á foreldrafundinn í kvöld kl. 20:00!

Foreldrafundur

2008-01-31T12:54:00.000Z

Næsta þriðjudagskvöld (5.2.) kl. 20:00 verður foreldrafundur hjá C-sveit. Við ætlum að ræða komandi ferð á landsmót sem og annað sem fram undan er hjá okkur, m.a. fjáraflanir vegna tilvonandi utanlandsferðar.
Varðandi landsmótið: ákveðið hefur verið að hver þátttakandi greiði kr. 5.000 (mótsgjaldið er kr. 8.000 og rútukostnaður bætist við þá upphæð), sjóður sveitarinnar greiðir afganginn. Innifalið í þessu er matur alla helgina, en nánar um mótið á þriðjudaginn.
Einhverjir eiga enn eftir að staðfesta þátttöku, vinsamlegast gerið það Í DAG! (Tölvupóstur á annab@toska.is) Við leggjum líklega af stað um kl. 16 föstudaginn 15. feb. þannig að það þarf ekki að fá frí í skólum. Heimkoma er áætluð milli kl. 14 og 15 á sunnudeginum.
Ég minni á fararstjóramál - einhverjir þyrftu að bjóða sig fram á þriðjudaginn:)

Eitt að lokum: örfáir hljóðfæraleikarar hafa framlengt jólafríið fram úr hófi, ég reikna með að sjá ALLA á þriðjudagsæfingunni! Ég bendi á að nemendur í FVA eru í áfanganum SHA101, en einingin fæst einungis með því að mæta vel og taka þátt í því sem við erum að gera! Sem sagt, lokaaðvörun (þeir taki þetta til sín sem við á...)

Sjáumst,
Anna

Landsmót SÍSL

2008-01-28T13:31:00.000Z

Nú styttist all verulega í landsmótið í Reykjanesbæ (15.-17. feb.). Í síðasta lagi annað kvöld þarf ég að fá endanleg svör um þátttöku, mér þætti gott að fá tölvupóst frá foreldrum grunnskólabarna svo allt sé á hreinu. Þeir sem eldri eru láta mig vita í síðasta lagi á æfingunni annað kvöld.

Ef 1 - 2 foreldrar gætu hugsað sér að koma með sem fararstjórar, þá væri það mjög vel þegið, þar sem þetta er svona stutt að fara gæti fólk jafnvel skipt með sér helginni.

Ég minni á að það er kaffiæfing á morgun (klarinettin sjá um það), þ.e. æfingin er til kl. 21:00.

Kveðja,

Anna

Spilamennska á laugardaginn

2008-01-23T19:09:00.000Z

Við spilum við opnun nýja húsnæðis bílasölunnar Bíláss á laugardaginn (26.1.) kl. 14:00. Það er mæting kl. 13:00 stundvíslega í Tónó, þeir sem geta komið á bíl endilega gerið það.
Það er ekki mjög mikið pláss fyrir okkur, þannig að það geta ekki allir spilað með:(
Eftirfarandi hljóðfæraleikarar eiga að mæta:

Þverflauta: Birna og Elva
Klarinett: Sonja, Inga Sara, Ingileif, Helgi Grétar
Bassaklarinett: Berglind
Alt-sax: Bjarki, Piotr
Tenór-sax: Halldór
Trompetar: Birgir, Brynjar, Egill, Elvar
Básúna: Trausti
Túba: Helgi
Rafbassi: Kalli
Slagverk: Guðjón, Kristján, Sirrý

Lögin sem við spilum:

Copacabana
Oye Como Va
Sunshine Samba
Route 66

Ég ítreka það að við þurfum að vera stundvís á laugardaginn, því við þurfum aðeins að renna yfir lögin.

P.S. Til foreldra: Í síðustu viku dreifði ég blaði með dagskrá sveitarinnar fram á sumar - ef það hefur ekki skilað sér fyrir ykkar augu, endilega gangið eftir því:)