Fara í efni  

Laus staða á Sambýlinu að Laugarbraut

Laus er til umsóknar um 50% staða á Sambýlinu að Laugarbraut frá 1. nóvember næstkomandi. Starfið felur í sér stuðning við einstaklinga með fötlun í athöfnum daglegs lífs, á heimili þeirra og við tómstundir. Unnið er á dag-, kvöld- og helgarvöktum (aðra hverja helgi).

Mikilvægt er að viðkomandi starfsmaður hafi reynslu og áhuga á að starfa með fólki með fötlun, sé jákvæður og hafi til að bera góða færni í mannlegum samskiptum og samstarfshæfni. Einnig þarf viðkomandi að vera stundvís og sýna öguð vinnubrögð.

Laun eru samkvæmt gildandi kjarasamningum launanefndar Sambands íslenskra sveitarfélaga og viðkomandi stéttarfélags. Aðlögun þarf að geta farið fram í lok októbermánaðar.

Sótt er um rafrænt á heimasíðu Akraneskaupstaðar eða í þjónustuveri bæjarins að Stillholti 16-18, 1. hæð. Umsóknarfrestur er til og með 22. október næstkomandi. Nánari upplýsingar gefur Jórunn Petra Guðmundsdóttir, forstöðuþroskaþjálfi í tölvupósti.


   
Fara efst
á síðu
  • AkraneskaupstaðurDalbraut 4, 300 Akranes
    Kt: 410169-4449

    Persónuverndarstefna
  • 433 1000
    Skrifstofan er opin sem hér segir:
    Mánu- fimmtudaga kl. 09:00-15:00
    Föstudaga kl. 09:00-14:00