Skipulags og umhverfisnefnd hefur borist tillaga Skagatorgs ehf. að skipulagi væntanlegs byggingasvæðis norðan Stillholts á Akranesi. Í tillögunni er gert ráð fyrir tveimur lóðum fyrir 10 hæða íbúðablokkir auk kjallara og þakhæðar með samtals 84 íbúðum. Fjölbýlishúsin eru staðsett á horni Stllholts og Kalmansbrautar annars vegar og á horni Stillholts og Dalbrautar hinsvegar. Skipulagið gerir einnig ráð fyrir 6500 fermetra verslunarmiðstöð á einni hæð og 8 hæða þjónustubyggingu með skrifstofum, hóteli, veitingastöðum og heilsurækt.
Byggingamagn norðan Stillholts er áætlað um 22.000 fermetrar og nýtingarhlutfall 0,7. Í miðju skipulagssvæðisins verður útivistarsvæði ásamt bílastæðum en bílastæði verða einnig í kring um verslunarmiðstöðina.