"Enginn getur hjálpað öllum, en allir geta hjálpað einhverjum" hefur verið yfirskrift desembermánaðar í leikskólanum Garðaseli. Lögð hefur verið áhersla á hjálpsemi í allri sinni mynd. Markmiðið hefur verið að börnin upplifi þá ánægju sem fylgir því að hjálpa öðrum. Með umræðum um hvað hjálpsemi er og hvernig hægt er að hjálpa öðrum hefur verið reynt að stuðlað að samkennd með öðrum og gera börnunum grein fyrir að það eru til fátæk börn á Íslandi. Ákveðið var að safna jólapökkum handa öðrum börnum og færa Mæðrastyrksnefnd til úthlutunar. Fimmtudaginn 19. desember komu síðan tveir fulltrúar nefndarinnar og tóku við jólagjafakassanum frá börnunum í Garðaseli. Óhætt er að segja að börnin hafi verið meira en tilbúin að leggja sitt af mörkum í þetta verkefni með góðri aðstoð foreldra sinna.