26. maí 2005 14:50

Andstæðingar boðnir velkomnir

Markaðs- og atvinnuskrifstofa Akraneskaupstaðar, knattspyrnudeild ÍA, íþróttamiðstöðin á Jaðarsbökkum, Golfklúbburinn Leynir og Safnasvæðið hafa undanfarið unnið að því að koma á koppinn nýju og skemmtilegu verkefni. Verkefnið miðar að því að bjóða andstæðinga ÍA í knattspyrnu sérstaklega velkomna á Akranes og hvetja þá til þess að gera sér glaðan dag í bænum bæði fyrir og eftir leik.

 

Stuðningsmönnum Grindavíkur verður í þessari viku boðinn sérstakur "Golfpakki" svo dæmi sé tekið, en fleiri tilboðspakkar eru í vinnslu og munu líta dagsins ljós hver af öðrum eftir því sem líður á sumarið.

Hér er að finna "boðskortið" sem verður sent til andstæðinga sem og stuðningsmanna ÍA nær og fjær.