http://www.akranes.is/frettir/ Nepal vefumsjón - www.nepal.is http://www.akranes.is/frettir/nr/155627 http://www.akranes.is/frettir/nr/155627 Tue, 21 May 2013 15:58:00 GMT Við útskrift Fjölbrautaskóla Vesturlands þann 18. maí síðastliðinn afhenti Regína Ásvaldsdóttir bæjarstjóri námsstyrk Akraneskaupstaðar. Hann hlaut Guðrún Valdís Jónsdóttir sem lauk stúdentsprófi af náttúrufræðibraut í desember 2012, eftir sjö anna nám. Guðrún Valdís fékk styrkinn vegna námsárangurs en hún var með 9,47 í lokaeinkunn á stúdentsprófi. Guðrún Valdís hyggst stunda nám í sameindalíffræði og hefur sótt um skólavist í háskólum í Bandaríkjunum og á Íslandi. Námsstyrkur Akraneskaupstaðar hefur verið veittur frá árinu 1991 og er í dag 650 þúsund krónur. Styrkurinn er veittur til nemanda sem hefur sýnt afburða námsárangur eða ástundun náms. Hann er auglýstur að vori og voru níu umsóknir um styrkinn í ár. Á myndinn eru frá vinsti Regína Ásvaldsdóttir bæjarstjóri, Guðrún Valdís Jónsdóttir og Sveinn Kristinsson forseti bæjarstjórnar. http://www.akranes.is/frettir/nr/152991 http://www.akranes.is/frettir/nr/152991 Wed, 15 May 2013 17:02:00 GMT Ársreikningur Akraneskaupstaðar var tekinn til fyrri umræðu í bæjarstjórn, þriðjudaginn 14. maí 2013, og samþykkti bæjarstjórn að vísa ársreikningnum til síðari umræðu þann 28. maí 2013. Ársreikningurinn sýnir þær rekstrareiningar sem falla undir A hluta starfsemi sveitarfélagsins og samantekinn ársreikning fyrir alla starfsemi þess þ.e. A og B hluta, sbr. 60.gr sveitarstjórnarlaga, nr. 138/2011. Fjárhagslegur styrkur Akraneskaupstaðar er góður hvort sem litið er til eiginfjárstöðu eða hefðbundinna skuldaþekjuhlutfalla. Skuldahlutfall samstæðunnar er um 109% reiknað samkvæmt fjármálareglum sveitarfélaga, en þær kveða á um hámarkshlutfall sé innan 150% marka. Tveir af þremur stærstu málaflokkunum undir áætlun.Til fræðslu- og uppeldismála fóru 1.705 milljónir króna nettó eða um 48,2% af skatttekjum og voru þau um 14,2 milljónum undir áætlun eða um 1% . Til æskulýðs- og íþróttamála fóru 315 milljónir króna nettó eða um 8,9% af skatttekjum og voru þau um 12,6 milljónum króna undir áætlun eða um 4%. Helstu niðurstöður:Rekstrarniðurstaða ársreiknings fyrir alla starfsemi Akraneskaupstaðar, A og B hluta er neikvæð um 258 mkr. og er breyting á forsendum útreiknings á lífeyrisskuldbindingum ein af aðalástæðum þess. Rekstrarniðurstaða A-hluta var neikvæð um 160 mkr. Til A hluta teljast: Aðalsjóður, Eignasjóður, Fasteignafélagið slf, Gáma Byggðasafnið að Görðum. Helstu stærðir sem hafa áhrif á neikvæða rekstrarafkomu A hluta og gera má ráð fyrir að séu einskiptis kostnaður eru eins og fyrr segir lífeyrisskuldbindingar, ennfremur tjónabætur sem féllu á kaupstaðinn vegna Skagavers og gjaldfærsla á starfslokasamningum. Rekstrarniðurstaða B hluta var neikvæð um 98 m.kr. Til B hluta fyrirtækja teljast: Höfði, hjúkrunar-og dvalarheimili, Háhiti ehf. Fasteignafélagið ehf. Helstu stærðir sem hafa áhrif á neikvæða rekstrarafkomu Höfða eru lífeyrisskuldbindingar og eftirlaun, tímabundin fækkun hjúkrunar- og dvalarrýma og verðbætur langtímalána, samtals 85 m.kr. Fjárhagslegur styrkur Höfða er þrátt fyrir þetta góður, þar sem Höfði er með öflugan varasjóð. Heildareignir samstæðunnar samkvæmt samanteknum efnahagsreikningi námu í árslok 11.650 mkr. Heildarskuldir ásamt skuldbindingum voru 6.649 mkr og eigið fé nam 5.023 mkr en þar af nam hlutdeild meðeigenda 22 mkr. Veltufé frá rekstri er um 427,9 mkr og hækkar um 21,3 mkr frá árinu 2011. Handbært fé í árslok er um 572,8 mkr og hafði hækkað um 54,7 mkr á árinu. Ársreikningur Akraneskaupstaðar árið 2012 er birtur á heimasíðu kaupstaðarins undir slóðinni: http://akranes.is/stjornsysla/fjarmal-og-gjold/arsreikningur/, þar er hægt að nálgast frekari upplýsingar s.s. lykiltölur um rekstur, skuldsetningu, greiðsluhæfi og fleira. http://www.akranes.is/frettir/nr/150936 http://www.akranes.is/frettir/nr/150936 Fri, 10 May 2013 17:15:00 GMT Árlega útnefnir Akraneskaupstaður bæjarlistamann til eins árs í senn og veitir auk þess sérstök menningarverðlaun til þeirra fyrirtækja, félagasamtaka eða einstaklinga sem hafa stuðlað að eflingu menningar- og listalífs á Akranesi. Sveinn Arnar Sæmundsson orgelleikari og kórstjóri er núverandi bæjarlistamaður á Akranesi. Nú hefur menningarmálanefnd Akraness ákveðið að gefa almenningi kost á að taka þátt í að tilnefna næsta bæjarlistamann hér á vef Akraneskaupstaðar. Hér er hægt að fara inn á tilnefningaformið sem fylla þarf út og senda inn. Menningarmálanefnd Akraness mun fara yfir allar tilnefningar og verður val á bæjarlistamanni kynnt við hátíðlega athöfn á þjóðhátíðardeginum 17. júní. Fólk er hvatt til að kynna sér vel þær reglur sem í gildi eru um bæjarlistamann en tilnefningarfrestur rennur út þann 2. júní nk. http://www.akranes.is/frettir/nr/150899 http://www.akranes.is/frettir/nr/150899 Fri, 10 May 2013 15:11:00 GMT Laugardaginn 11. maí verður margt um að vera á Akranesi. Hægt verður að hlusta á þýða tóna, skoða myndverk, skella sér í golf og fræðast um strandmenningu. Þar að auki er alltaf gaman að skella sér í sund, fara á Langasand eða í Garðalund, hina skjólgóðu skógrækt. Golfmót hefst kl. 9.00, tónleikar í Akraneskirkju á sama tíma og frá kl. 10.00 er opin dagskrá í Vitanum á Breiðinni. Vitadagurinn í Akranesvita og Safnasvæðinu að GörðumVitadagurinn verður haldinn hátíðlegur með tónleikum,upplestri, ljósmynda- og myndlistasýningu í Akranesvita. Um hádegisbil færist samkoman upp að Safnasvæði en þar verður málþing um strandmenningu, tengsl Akranessvæðisins við landnám Grænlands og Nýfundnalands, Kútter Sigurfara – sögu hans og framtíð og vita Akraness sem standa keikir á Breiðinni. Frítt inn.Heimasíða: www.museum.is Tónleikar Sveins Arnars og Kirkjukórs AkraneskirkjuSveinn Arnar Sæmundsson, bæjarlistamaður Akraness 2012 þakkar fyrir sig ásamt kór Akraneskirkju og býður hann til tónleika á laugardaginn í Akraneskirkju og Vinaminni.Haldnir verða þrennir ólikir tónleikar þar sem hlýða má á sálmaforleiki Bachs, þjóðlög og dægurlög munu njóta sín og Miklabæjar-Sólveig og Djákninn á Myrká ráða ríkjum.Kaffi og pönnukökur. Frítt inn en fólk getur látið frjáls framlög af hendi rakna.Heimasíða: www.akraneskirkja.is Stóra Skemmumótið, opið golfmót á Garðavelli í boði Verkalýðsfélags Akraness18 holu punktakeppni með forgjöf verður haldið laugardaginn 11. maí. Ræst verður út frá kl. 9:00. Keppt verður í tveimur flokkum: 0-9 og 9.1-24/28. Skráning á golf.is – Mótsgjald kr 3.500. Þá má nefna að fyrsti heimaleikur ÍA í Pepsideild karla verður mánudaginn 13. maí. á Akranesvelli. http://www.akranes.is/frettir/nr/149760 http://www.akranes.is/frettir/nr/149760 Tue, 07 May 2013 12:54:00 GMT Akraneskaupstaður og Vinnuskóli Akraness bjóða unglingum f.1996 með lögheimili á Akranesi vinnu við Vinnuskólann. Vinnan hefst í lok maí og unnið verður 35 klst. á viku. Stefnt er að vinnu í 4-8 vikur, en það ræðst af fjölda umsækjenda hversu langur sá tími verður. Haldinn verður fundur með umsækjendum áður en vinnan hefst og farið yfir stöðuna. Umsóknareyðublöð er hægt að nálgast á skrifstofu Vinnuskólans að Laugarbraut 6 b (gamla slökkvistöðin) eða á bæjarskrifstofunni Stillholti 16-18, 1. hæð og þar skal umsóknum skilað í síðasta lagi miðvikudaginn 15. maí nk. Einnig er hægt að sækja um hér á vef Akraneskaupstaðar - smellið hér til að sækja umsóknareyðublað Athugið að aðeins þeir sem skila inn umsókn fyrir tiltekinn tíma verður veitt vinna. Allar nánari upplýsingar veitir Einar Skúlason, rekstrarstjóri Vinnuskólans Sími: 863-1113 og 433 1056 - netfang: einar.skulason@akranes.is http://www.akranes.is/frettir/nr/148641 http://www.akranes.is/frettir/nr/148641 Fri, 03 May 2013 16:32:19 GMT Dagur umhverfis er 25. apríl ár hvert en þar sem hann bar upp á frídag þetta árið varð föstudagurinn 26. apríl fyrir valinu til hreinsunarátaks. Nemendur 6. bekkjar í Brekkubæjarskóla og Grundaskóla tíndu rusl á Langasandi en þátttaka þeirra var liður í fræðsluverkefnum Bláfánans sem Akraneskaupstaður sótti um viðurkenningu fyrir í febrúar á þessu ári.Starfsfólk bæjarskrifstofu og Landmælinga með Regínu Ásvaldsdóttur bæjarstjóra í fararbroddi fóru í tæpra 2 klst. hreinsunarferð meðfram Stillholti og Kirkjubraut og niður á Akratorg. Starfsfólk Fjöliðjunnar við Dalbraut tók einnig þátt í hreinsuninni. Samanlagt úr þessari hreinsun safnaðist 200 kg af rusli. http://www.akranes.is/frettir/nr/148018 http://www.akranes.is/frettir/nr/148018 Thu, 02 May 2013 12:00:00 GMT Gengið hefur verið frá ráðningu Ingibjargar Gestsdóttur í starf upplýsingafulltrúa á Upplýsingamiðstöð ferðamála á Akranesi. Starfið var auglýst með umsóknarfresti til 10. apríl sl. Alls bárust 14 umsóknir um starfið en einn umsækjandi dró umsókn sína til baka. Ingibjörg er 56 ára gömul. Hún lauk stúdentsprófi frá Fjölbrautaskóla Vesturlands árið 2000 og lauk BA prófi í þjóðfræði við Háskóla Íslands árið 2005. Ingibjörg hefur áralanga reynslu af kynningarmálum og leiðsögn við bæði innlenda og erlenda ferðamenn. Þá var hún m.a. forstöðumaður Byggðasafns Húnvetninga og Strandamanna að Reykjum til þriggja ára. Ingibjörg starfaði við Byggðasafn Akraness í nokkur ár og sá m.a. um Upplýsingamiðstöð ferðamanna þegar hún var staðsett á Safnasvæðinu í Görðum. Ingibjörg hefur þegar tekið til starfa í Upplýsingamiðstöðinni sem er til húsa við Akratorg, á 1. hæð í Landsbankahúsinu, Suðurgötu 57. Upplýsingamiðstöðin verður opin daglega frá kl. 10.00-17.00 og um helgar frá kl. 10.00-14.00. Símanúmer Upplýsingamiðstöðvar er 433 1065 og netfang info@akranes.is http://www.akranes.is/frettir/nr/147991 http://www.akranes.is/frettir/nr/147991 Wed, 01 May 2013 17:30:00 GMT Samkvæmt barnaverndarlögum nr. 80/2002, 92. gr. um útivistartíma barna, segir að börn, 12 ára og yngri, megi ekki vera á almannafæri eftir klukkan 20.00 nema í fylgd með fullorðnum. Börn, sem eru á aldrinum 13 til 16 ára, skulu ekki vera á almannafæri eftir klukkan 22.00, enda séu þau ekki á heimferð frá viðurkenndri skóla-, íþrótta- eða æskulýðssamkomu. Á tímabilinu 1. maí til 1. september lengist útivistartími barna um tvær klukkustundir. Aldursmörk þessa ákvæðis miðast við fæðingarár en ekki fæðingardag.--> http://www.akranes.is/frettir/nr/147934 http://www.akranes.is/frettir/nr/147934 Wed, 01 May 2013 10:53:00 GMT Verkalýðsfélag Akraness, Starfsmannafélag Reykjavíkurborgar, VR, FIT félag iðn- og tæknigreina, Kennarasamband Íslands og Sjúkraliðafélag Íslands standa fyrir dagskrá á hátíðar- og baráttudegi verkafólks 1. maí. Safnast verður saman við Kirkjubraut 40 kl. 14:00 og genginn verður hringur á neðri-Skaga. Að göngu lokinni verður hátíðardagskrá í sal Verkalýðsfélags Akraness á 3. hæð Kirkjubrautar 40. Ræðumaður dagsins er Regína Ásvaldsdóttir, bæjarstjóri. Sjá nánar á vef VLFA http://www.akranes.is/frettir/nr/147194 http://www.akranes.is/frettir/nr/147194 Mon, 29 Apr 2013 14:23:00 GMT Síðastliðinn laugardag gekk hópur af Skagamönnum undir forystu Þorsteins Jakobssonar og félagsskaparins Fjallagarpar og gyðjur á Akrafjall. Gangan var til styrktar krabbameinsveikum börnum. Þorsteinn hefur hug á því að ganga á öll helstu bæjarfjöll á landinum í vor og sumar til styrktar málefninu. Með Þorsteini í för var bæjarstjóri Akraness, Regína Ásvaldsdóttir. Í myndinni sem fylgir fréttinni er viðtal við Þorstein og Regínu. http://www.akranes.is/frettir/nr/145666 http://www.akranes.is/frettir/nr/145666 Thu, 25 Apr 2013 12:53:00 GMT Kjörfundur vegna alþingiskosninga 27. apríl 2013 fer fram í Brekkubæjarskóla og hefst kjörfundur kl. 09:00 og lýkur í síðasta lagi kl. 22:00. Brekkubæjarskóli (nýbygging, gengið inn frá Vesturgötu): I. kjördeild Akurgerði til og með Grundartún II. kjördeild Hagaflöt til og með Reynigrund III. kjördeild Sandabraut til og með Þjóðvegur Kjósendur eru hvattir til að kjósa snemma á kjördag. Athugið að krafist er persónuskilríkja. Sími yfirkjörstjórnar á kjördag er 433 1315 Netfang: kosning@akranes.is Akranesi, 22. apríl 2013YFIRKJÖRSTJÓRN AKRANESSEinar Jón ÓlafssonBjörn KjartanssonHugrún O. Guðjónsdóttir Bent skal á að frekari upplýsingar varðandi kosningarnar og um þjónustu á kjördag er að finna á vef innanríkisráðuneytisins, smellið hér http://www.akranes.is/frettir/nr/144835 http://www.akranes.is/frettir/nr/144835 Tue, 23 Apr 2013 17:11:00 GMT Á fundi bæjarstjórnar í dag var samþykkt að ráða Steinar Dag Adolfsson í stöðu framkvæmdastjóra stjórnsýslu- og fjármálasviðs Akraneskaupstaðar og Sigurð Pál Harðarson í stöðu framkvæmdastjóra umhverfis- og framkvæmdasviðs. Störfin voru auglýst laus til umsóknar þann 2. mars síðastliðinn með umsóknarfresti til og með 24. mars. 25 umsækjendur sóttu um starf framkvæmdastjóra stjórnsýslu -og fjármálasviðs og 22 um stöðu framkvæmdastjóra umhverfis -og framkvæmdasviðs. Steinar Dagur er 43 ára lögfræðingur og framkvæmdastjóri Landssambands lögreglumanna. Hann lauk stúdentsprófi frá Menntaskólanum við Sund árið 1990, íþróttakennaraprófi árið 1994 og útskrifaðist sem lögfræðingur frá Háskóla Íslands árið 2001. Steinar Dagur hefur starfað sem framkvæmdastjóri Landssambands lögreglumanna í 5 ár, tímabilin 2007 til 2009 og aftur frá árinu 2010. Árið 2009 starfaði hann sem verkefnisstjóri vinnumarkaðsúrræða hjá NAV Kongvinger í Noregi, sem lögfræðingur yfirstjórnar hjá embætti ríkislögreglustjóra árin 2003 til 2007 og sem lögfræðingur hjá sveitarfélaginu Kongsvinger árin 2002 til 2003. Steinar Dagur var landsliðsmaður í knattspyrnu og starfaði sem atvinnumaður í fótboltanum árin 1999-2002. Steinar Dagur er kvæntur Hafrúnu Jóhannesdóttur leikskólakennara og eiga þau þrjú börn. Sigurður Páll Harðarson er 51 árs verkfræðingur og starfar sem sviðsstjóri umhverfis- og framkvæmdasviðs Hafnarfjarðar. Sigurður Páll lauk stúdentsprófi frá Fjölbrautarskóla Vesturlands á Akranesi árið 1981, BS í byggingaverkfræði frá Háskóla Íslands árið 1989, M.Sc í byggingaverkfræði frá Tækniháskólanum í Danmörku árið 1993 og MBA frá Háskóla Íslands árið 2004. Sigurður Páll hefur gegnt starfi sviðsstjóra hjá Hafnarfjarðarbæ frá árinu 2009. Hann starfaði hjá KPMG árin 2007 til 2009 og var bæjarverkfræðingur í Borgarbyggð árin 1993 til 2007. Sigurður Páll er kvæntur Áslaugu Árnadóttur snyrtifræðingi og eiga þau þrjú börn. Auk ofantaldra starfa var auglýst eftir atvinnu-og ferðamálafulltrúa Akraneskaupstaðar og stendur það ráðningaferli enn yfir. http://www.akranes.is/frettir/nr/142524 http://www.akranes.is/frettir/nr/142524 Tue, 16 Apr 2013 15:45:00 GMT Kosningar til Alþingis fara fram 27. apríl nk. Kjörskrá á Akranesi hefur nú verið lögð fram og samþykkt. Alls hafa 2368 karlar og 2304 konur, eða alls 4672 einstaklingar rétt samkvæmt henni til að kjósa hér á Akranesi. Á kjörskrá eru þeir sem tilkynnt hafa lögheimilisflutning fyrir 23. mars sl. Kjörskráin liggur nú frammi í þjónustuveri Akraneskaupstaðar, Stillholti 16-18, 1. hæð, og er þar opin almenningi til sýnis á almennum skrifstofutíma fram til kjördags. Þeim sem vilja koma athugasemdum á framfæri vegna kjörskrár er bent á að snúa sér til þjónustu- og upplýsingastjóra. Athygli er vakin á því að sveitarstjórn getur allt til kjördags gert leiðréttingar á kjörskrá ef við á. http://www.akranes.is/frettir/nr/141337 http://www.akranes.is/frettir/nr/141337 Fri, 12 Apr 2013 17:08:00 GMT Síðari hluta marsmánaðar var auglýst eftir tilboðum í rekstur tjaldsvæðisins í Kalmansvík og voru tilboð opnuð 2. apríl s.l.Framkvæmdaráð samþykkti að ganga til samninga við Kötlu Maríu Ketilsdóttur, Viðjuskógum 13 á Akranesi og föstudaginn 12. apríl s.l. undirrituðu Katla María og Regína Ásvaldsdóttir, bæjarstjóri verksamning sem gildir til 30. apríl 2016. Samkvæmt honum tekur Katla María við rekstri tjaldsvæðisins frá og með 15. apríl 2013. Einnig gerir samningurinn ráð fyrir að Katla María annast umsjón með almenningsalernum við Langasand og í Garðalundi. http://www.akranes.is/frettir/nr/140614 http://www.akranes.is/frettir/nr/140614 Wed, 10 Apr 2013 18:06:00 GMT Í dag var undirritaður samstarfssamningur Akraneskaupstaðar og rannsóknar-miðstöðvarinnar Rannsóknir & greining. Markmið samstarfsins er að vinna hagnýtar upplýsingar í hendur forvarnarhópa og bæjaryfirvalda til stefnumótunar og áætlunargerðar í málefnum ungmenna á Akranesi. Tengiliður fyrir hönd Akraneskaupstaðar er Heiðrún Janusardóttir verkefnisstjóri og fyrir hönd R & G, Jón Sigfússon. Rannsóknamiðstöðin Rannsóknir & greining hefur sérhæft sig í rannsóknum á högum og líðan ungs fólks í grunn- og framhaldsskólum undanfarin ár og hafa rannsóknirnar vakið athygli langt út fyrir landsteinana. Frá upphafi hefur verið lögð áhersla á að afla gagna og vinna úr þeim annars vegar vísindagreinar og hins vegar hagnýtar upplýsingar fyrir fólk sem vinnur að málefnum barna og ungmenna. Á myndinni eru frá vinstri: Lúðvík Gunnarsson, Jón Sigfússon frá R & G, Svala Hreinsdóttir, Heiðrún Janusardóttir, Regína Ásvaldsdóttir bæjarstjóri og Helga Gunnarsdóttir. http://www.akranes.is/frettir/nr/138897 http://www.akranes.is/frettir/nr/138897 Fri, 05 Apr 2013 17:30:00 GMT Kjósendur geta nú kannað hvar þeir eru á kjörskrá í alþingiskosningunum laugardaginn 27. apríl næstkomandi á kosningavef innanríkisráðuneytisins og á vefnum island.is. Þegar slegin er inn kennitala kemur upp nafn, lögheimili og sveitarfélag. Í mörgum tilvikum birtast einnig upplýsingar um kjörstað og kjördeild.Þjóðskrá Íslands sér um gerð kjörskrárstofna og sveitarstjórnir gera kjörskrár á grundvelli þeirra. Enginn getur neytt kosningarréttar nema nafn hans sé á kjörskrá þegar kosning fer fram. Á kjörskrárstofni eru allir íslenskir ríkisborgarar sem skráðir voru með lögheimili í ákveðnu sveitarfélagi samkvæmt íbúaskrá þjóðskrár 23. mars 2013 og fæddir eru 27. apríl 1995 og fyrr. Enn fremur eru á kjörskrárstofni þeir íslenskir ríkisborgarar, sem lögheimili eiga erlendis en eiga kosningarrétt samkvæmt lögum um kosningar til Alþingis. http://www.akranes.is/frettir/nr/138705 http://www.akranes.is/frettir/nr/138705 Tue, 02 Apr 2013 14:50:00 GMT Akraneskaupstaður auglýsti þrjár stöður lausar til umsóknar með umsóknarfresti til og með 24 mars sl. Um er að ræða stöðu framkvæmdastjóra stjórnsýslu-og fjármálasviðs, framkvæmdastjóra umhverfis-og framkvæmdasviðs og stöðu atvinnu-og ferðamálafulltrúa. Alls bárust 70 umsóknir um störfin. 24 sóttu um stöðu framkvæmdastjóra stjórnsýslu- og fjármálasviðs, 22 sóttu um stöðu framkvæmdastjóra umhverfis-og framkvæmdasviðs og 22 um stöðu atvinnu-og ferðamálafulltrúa. Umsækjendur eru:Framkvæmdastjóri stjórnsýslu-og fjármálasviðs Brynja Kolbrún Pétursdóttir Leynisbraut 18 AkranesiBrynja Þorbjörnsdóttir Kalastaðir HvalfjarðarsveitEllert Jón Björnsson Vosnæsparken Danmörku Eydís Aðalbjörnsdóttir Vogabraut 1 Akranesi Eyþór Björnsson Naustabryggju 15 Reykjavík Haraldur Ingólfsson Bjarkargrund 18 Akranesi Jóhannes Finnur Halldórsson Vesturgötu 141 Akranesi Jón Óskar Þórhallsson Laufengi 154 ReykjavíkJón Pálsson Óðinsgötu 30 Reykjavík Kári Gunndórsson Vesturgötu 158 Akranesi Kjartan Örn Sigurðsson Muruholti 2 Garðabæ Kristinn Ásgeirsson Bakkaseli 1 Reykjavík Kristinn Hjálmarsson Laufási 6 Garðabæ Kristjana Helga Ólafsdóttir Grenigrund 13 Akranesi Kristján Eiríksson Norðurbrú 4 GarðabæPáll Ólafsson Breiðuvík 57 Reykjavík Rögnvaldur Guðmundsson Kirkjustétt 7a Reykjavík Sigurður Guðmundsson Svölukletti Borgarnesi Sigurður Már Gunnarsson Jörundarholt 102 Akranesi Stefán Jóhann Hreinsson Álmskógum 15 Akranesi Steinar Dagur Adolfsson Víðigrund 6 Akranesi Svandís Edda Halldórsd. Eskivöllum 21b HafnarfirðiValdís Eyjólfsdóttir Bakkatúni 6 Akranesi Þórir Sveinsson Stekkum 13 Patreksfirði Framkvæmdastjóri umhverfis-og framkvæmdasviðs Anna María Þráinsdóttir Garðabraut 2a AkranesiÁrmann Halldórsson Bjarkargötu 8 PatreksfjörðurBirgitta Rán Ásgeirsdóttir Skarðsbraut 11 AkranesiDrífa Gústafsdóttir Leynisbraut 33 AkranesiEinar Magnús Einarsson Breiðvangi 6 HafnarfirðiGísli Hermannsson Fururási 3 HafnarfirðiGuðbjörg Sandra Gunnarsdóttir Danmörku Guðmundur Elíasson Dalsseli 40 Reykjavík Guðný Elíasdóttir Víðigrund 3 Akranesi Hermann Ragnarsson Huldubraut 62 Kópavogi Hjördís Sigurðardóttir Holland (Króktún 14 Hvolsv)Hreinn Sigurðsson Noregur Ottó Tynes Laugavegi 98 Reykjavík Ólafur Þ.Stefánsson Ásbúð 8 Garðabæ Ómar Örn Kristófersson Kúludalsá 4b Hvalfjarðarsveit Runólfur Þór Sigurðsson Leynisbraut 37 Akranesi Rúnar Ingi Guðbjörnsson Álfholti 26 Hafnarfirði Sigurður Páll Harðarson Bjarkargrund 22 Akranesi Sigurður Hilmar Ólafsson Þórustíg 16 Reykjanesbæ Sigurjón Jónsson Winnipeg Svandís Edda Halldórsdóttir Eskivöllum 21b Hafnarfirði Þorbjörn Tjörvi Stefánsson Móvaði 17 Reykjavík Atvinnu-og ferðamálafulltrúiAnna Elísabet Jónsdóttir Eyraflöt 7 Akranesi Ágúst Bjarni Garðarsson Bjarkavöllum 5g Hafnarfirði Bergþóra Jónsdóttir Garðabraut 6 Akranesi Drífa Gústafsdóttir Leynisbraut 33 Akranesi Erling Elís Erlingsson Garðhúsum 10 Reykjavík Eva Eiríksdóttir Laugarnesvegi 90 Reykjavík Guðjón Steindórsson Bakkahlíð 45 Akureyri Guðný Ruth Þorfinnsdóttir Jörundarholti 21 Akranesi Gunnar Kristinn Þórðarson Langholtsvegi 174 Reykjavík Hannibal G. Hauksson Bogahlíð 16 Reykjajvík Hekla Gunnarsdóttir Skógarflöt 11 Akranesi Helga Jenný Stefánsdóttir Nesvegi 100 Seltjarnarnesi Hilmar Sigvaldason Tindaflöt 1 Akranesi Katrín Erla Sigurðardóttir Árlandi 3 Reykjavík Kristinn Ásgeirsson Bakkaseli 1 Reykjavík Kristján Guðmundsson Túngötu 11 Hvanneyri Málfríður Finnbogadóttir Bárugranda 5 Reykjavík Rögnvaldur Guðmundsson Kirkjustétt 7a ReykjavíkSigurður Már Gunnarsson Jörundarholti 102 Akranesi Svandís Edda Halldórsdóttir Eskivöllum 21b HafnarfirðiTómas Þór Tómasson Lindasmára 48 KópavogiVigdís Sæunn Ingólfsdóttir Holtsflöt 6 Akranesi Verið er að vinna úr umsóknum en reiknað er með að ráðningaferlið taki að minnsta kosti 4-5 vikur. http://www.akranes.is/frettir/nr/138448 http://www.akranes.is/frettir/nr/138448 Fri, 22 Mar 2013 13:48:00 GMT Akraneskaupstaður óskar eftir að ganga til samninga við einstaklinga og/eða fyrirtæki um utanumhald og framkvæmd á hátíðarhöldum á þjóðhátíðardeginum 17. júní og Írskum dögum sem haldnir verða 4-7 júlí. Hægt er að sækja um afmarkaða viðburði á viðkomandi hátíðum.Eftirfarandi kröfur eru gerðar til dagskrár:Á 17. júní þarf að vera fánahylling á Akratorgi með hefðbundnum dagskráratriðum. Einnig skrúðganga, hátíðardagskrá og fleira í samstarfi við félagasamtök, einstaklinga og fyrirtæki. Á Írskum dögum þarf að vera opnunarhátíð á fimmtudegi, kvöldvaka í miðbænum á föstudagskvöldi og viðburðir í miðbænum á laugardegi. Auk þess fjölskylduhátíð á sunnudegi, lokahátíð Írskra daga. Hátíðina er hægt að framkvæma í samstarfi við félagasamtök, einstaklinga og fyrirtæki. Í umsókn skal eftirfarandi koma fram:• Viðburður sem sótt er um • Lýsing á einstaka dagskrárliðum • Verk-og tímaáætlun • Kostnaðaráætlun Nánari upplýsingar veitir Anna Leif Elídóttir, Byggðasafninu á Görðum, í síma 431 5566 og með netfanginu anna.leif.elidottir@akranes.isUmsóknir sendist á bæjarskrifstofur Akraness, á netfangið akranes@akranes.is merkt viðburðir 2013 fyrir 10. apríl næstkomandi. http://www.akranes.is/frettir/nr/138265 http://www.akranes.is/frettir/nr/138265 Tue, 19 Mar 2013 10:00:00 GMT Akraneskaupstaður óskar eftir tilboðum í rekstur tjaldsvæðis o.fl. Óskað er eftir tilboðum í verkið: Akranes – rekstur tjaldsvæðis o.fl. Stutt lýsing verkefnis:Óskað er eftir tilboðum í rekstur tjaldsvæðisins við Kalmansvík á Akranesi. Árlegur opnunartími er frá 1. apríl til 30. sept. en í ár skal nýr rekstraraðili hefja störf 1. maí n.k.Hluti verkefnisins er einnig umsjón með almenningssalernum í Garðalundi og við Langasand. Opnunartími þeirra er nánar skilgreindur í útboðsgögnum.Samningstími er 3 ár. Boðið verður upp á kynningu á aðstæðum á tjaldsvæðinu miðvikudaginn 20. mars n.k. kl. 10:00. Útboðsgögn verða afhent án endurgjalds á CD-diski í þjónustuveri Akraneskaupstaðar Stillholti 16-18, 1. hæð frá og með 15. mars 2013 . Tilboð verða opnuð 2. apríl 2013 kl. 11:00 í fundarherbergi umhverfis- og framkvæmdasviðs á 1. hæð að Stillholti 16-18.Óski bjóðendur eftir gögnum á pappír verða þau seld á kr. 5.000,-. http://www.akranes.is/frettir/nr/138034 http://www.akranes.is/frettir/nr/138034 Tue, 12 Mar 2013 14:55:00 GMT Lokahátíð Stóru upplestrarkeppninnar fór fram í Tónbergi sl. mánudagskvöld. Lokahátíðin er nokkurs konar uppskeruhátíð nemenda í 7. bekk, en þeir hafa lagt sérstaka rækt við vandaðan upplestur á undanförnum mánuðum. Þórður Guðjónsson, framkvæmdastjóri Knattspyrnufélags ÍA, ávarpaði samkomuna í upphafi. Tólf nemendur úr 7. bekkjum beggja grunnskólanna voru valin til þátttöku og lásu þau sögubrot og ljóð. Dómnefnd valdi þrjá bestu lesara kvöldsins, þau Helenu Dögg Einarsdóttur í 1. sæti, Jón Ingva Einarsson í 2. sæti og Önnu Bertu Heimisdóttur í þriðja sæti. Allir nemendurnir skiluðu framlagi sínu með miklum ágætum. Það var ánægjulegt að sjá hve margir lögðu leið sína í Tónberg til að njóta dagskrárinnar sem þar var í boði en auk upplestrarins léku nemendur Tónlistarskólans nokkur lög á fiðlu fyrir gesti.